“ЁМҒИРЛАР” АБДУВАЛИНИ ХОТИРАЛАР ОҒУШИГА ЕТАКЛАДИ…

Бир муддат танаффусдан сўнг эстрада оламига чиройли қўшиқлари билан қайтган хонанда Абдували Ражабов эски репертуарига мурожаат этишга жазм қилди…
2005 йилнинг энг хит қўшиғи бўлган “Ёмғирлар”ни маюсроқ оҳангда қайта куйлади. Хонанда қўшиққа клип суратга олиш масаласида ҳозирча иккиланиб турган экан. Шу ўринда “Наҳотки хит даражасига кўтариладиган янги мавзуни топиш қийинлик қилаётган бўлса?” деган ҳақли савол туғилади. Абдували бу мухлислар талаби эканлигини, уни ерда қолдиришни истамаслигини маълум қилди. Айни кунда хонанда бастакорлар Сарвар Раҳматхўжаев ҳамда Жасур Жафарназаров билан янги қўшиқлар устида бош қотиряпти.